مقدرش علي زعلك

بتزعل مني يا قلبي
وانا مقدرش علي زعلك
وتتقل وتبعد عن حضني
واجيلك جري انا اصلحك
اهمس واهمس بحبك
وتعند وتسيبني وتمشي
ومنين ماتكون اروحلك
وانا دمع عيني بيجري
مانا بحبك يا كل مالي
وزعلك ده معذبني
اوعي تفكر اني هسيبك
وابعد واقول وانا مالي
مانا روحت وراه وسابني
وجريت عليه وجرحني
لا يا عمري يا قلبي انا
انا هفضل معاك علي طول
وتكون الدنيا زي ماتكون
انا بحبك وهرضيك
ومهما تطلب انا فدي عنيك
يلا صالحني وحلي دنيايا
بقالي كتير مشتاقه ليك
مشتاقه لهمسه للمسه منك
مشتاقه لحضنك وضي عنيك
يغمرني بحبه وحنانه
ويكونلي كل دنيايا